Dili pwede ma-re-imburse ang confidential funds. Kini ang gihatag nga katin-awa ni House Prosecution Spokesperson Representative Zia Alonto Adiong.
Sa press conference sa House Prosecution Panel, miingon si Adiong nga adunay strikto nga balaod sa paggamit sa maong pundo ug gidili ang paggamit niini aron ipa-reimburse ang mga gastuson o aktibidad nga nahitabo sa wala pa opisyal nga gipagawas ang cash sa bangko.
Gisaysay ni Adiong nga dili mahimong gamiton ang maong pondo sa retroactive nga pamaagi o aron pondohan ang mga regular ug administratibong kalihokan sa buhatan nga wala nalatid sa nalatad nga Joint Circular sa gobyerno.
Usa sa iyang gihimong pananglitan ang mga personal o sosyal nga aktibidad sama sa tree planting ug Christmas party nga klarong dili sakop sa allowable utilization sa maong pondo.
Siya namugos nga ang gihimong paggamit sa sobra 400,000 pesos alang sa security detail sa Bise Presidente atol sa biyahe niini sa Davao nga gigamit isip accomplishment report alang sa confidential funds maoy usa sa mga gisupak sa COA kay dili tukma ug dili “confidential” ang nahimong pulos sa pondo.
