Sa talagsaong higayon, subli nagkitaay ang tennis legends nga si Chris Evert ug Martina Navratilova sa New York. Ang ilang team up, gitumong alang sa ilang upcoming nga Netflix documentary nga nag-uluhag Chris and Martina: The Final Set.
Unod sa pelikula ang ilang pagbalik lantaw sa higayon nga sila nahimong mga bitoon sa maong dula, nahimong managraybal hangtud sa misangpot ang ilang walagtuo nga mga international match up sa ilang panaghigala.
Segun sa duruha, ang ilang dokumentaryo muhisgot usa sa ilang 50 ka tuig nga relasyon gikan sa “intense rivalries” sa 1970s ug 1980s hangtod sa pagkahimo nilang suod nga higala ug nagsilbing mga cancer survivors.
Ang rivalry nila giila nga usa sa pinakadako sa kasaysayan sa tennis, diin nag-engkwentro sila sa 80 ka higayon ug nagbahin sa 18 Grand Slam singles titles matag-usa.
Apan human sa daghang finals ug pag-ilis sa world no. 1 ranking, ang ilang pinakalisod nga ka-atbang mao ang cancer, kundiin silang duruha naigo sa maong sakit. Si Evert nakigbisog sa ovarian cancer samtang si Navratilova naigoreast ug throat cancer.
Dinhi nahimong suod silang duruha. Ang documentary, gipa-ubos sa deriksyon ni Rebecca Gitlitz. Ang dokumentary, nagpremiere na sa Tribeca Film Festival, ug ipagawas sa Netflix karong Hunyo 26, 2026.
