Gipahigayon sa Hamburg, Germany ang Christopher Street Day (Pride) usa ka semana human sa makamatay nga pag-atake duol sa Berlin Pride, uban sa gipahugot nga mga lakang sa seguridad.
Matod sa tigpamaba sa Hamburg Pride nga si Manuel Opitz, nagpabiling puno sa paglaom ug kadasig ang LGBTQ+ community ug mas lig-on ang ilang determinasyon sa pagpadayon sa selebrasyon bisan pa sa mga hulga sa seguridad.
Mahinumduman nga usa ang namatay ug daghang uban pa ang nasamdan human ang usa ka suspek mipasulod og van ngadto sa mga tawo ug misulong usab gamit ang hait nga hinagiban duol sa Berlin Pride niadtong miaging semana.
Sumala kang Opitz, mas nakita sa komunidad ug sa tibuok siyudad ang kamahinungdanon sa pagpadayon sa Pride celebration isip simbolo sa pagkahiusa, pagdawat, ug pagkakaparehas.
