Namahayag si Manila Rep. Joel Chua nga ang giingong sayop nga paggamit sa confidential funds sa Office of the Vice President (OVP) ug Department of Education (DepEd) maoy hinungdan sa pagpaningkamot sa Kongreso nga hugtan ang mga lagda sa paghatag niini.
Matod niya, gisugyot nga limitahan ang confidential funds ngadto lamang sa mga ahensya nga adunay mandato sa intelligence, peace and order, ug national security.
Dugang pa ni Chua, resulta usab sa imbestigasyon sa Committee on Good Government ang pagsulong og mas hugot nga kwalipikasyon sa pagtudlo og special disbursing officers.
Sumala kaniya, ang mahimong special disbursing officer kinahanglan adunay permanenteng posisyon sa ahensya aron malikayan ang posibleng sabwatan sa pagdumala sa pondo
