Nagpadayon gihapon ang Department of Public Works and Highways (DPWH) sa ilahang clearing operation sa Gov. Bado Dangwa National Road sa Bangho, Daclan, Tublay, Benguet human sa pagkahugno sa usa ka slope protection tungod sa mga sunod-sunod nga mga kusog nga pag-ulan na nasinatian sa mga milabay nga adlaw nga epekto sa Habagat.
Ang maong insidenteng nagresulta sa pagsira sa maong dalan ug ang mga personahe sa DPWH kay kamulo nang nagtrabaho sa paglimpyo sa mga nalumpag para mabalik nga maagian og luwas ang maong apektdadong dalan.
Dugtong niini, ang maong pagpaningkamot kay nakahan-ay sa direktiba ni Presidente Ferdinand ‘Bongbong’ Marcos Jr. nga siguroon ang kaluwasan sa mga motorista ug aron pud madali ang pag-abli og balik sa maong dalan.
Samtang nagpadayon pa gihapon ang clearing operation, giabisohan ang mga motorista nga temporaryong moagi sa mga alternatibong ruta sama sa Suyok-Bayaan-Posos Road ug Ambongdolan-Tuel-Alno-Alapang Provincal Road. (raniel mahunyag)
