Giawhag sa Clergy for Good Governance si Senador Rodante Marcoleta ug uban pang opisyal nga atubangon sa korte ang mga akusasyon batok kanila human pormal nga gipasakahan og kasong plunder sa Sandiganbayan.
Sumala ni Father Robert Reyes, kon tinuod nga inosente si Marcoleta ug kon tulubagon o accountability ang gipangayo sa Iglesia ni Cristo nga nag-rally alang kaniya, kinahanglan niyang ipresentar ang iyang ebidensya sa hustong legal nga forum.
Gidugang sa pari nga dili dapat mahadlok ang senador nga moatubang sa mga abogado sa Ombudsman kon wala kini gihimong sayop.
Gihatagan usab og gibug-aton ni Father Reyes nga angay ilakip sa imbestigasyon sila si Senador Joel Villanueva, Senador Chiz Escudero, ug bisan si Presidente Ferdinand Marcos Jr. kon duna silay kalambigitan sa maong ‘flood control scandal’.
