Gisalikway sa City Mayors Office ang pagpakuyanap sa fake account sa City Information Office (CIO) sa Cagayan de Oro City.
Sa interbyu sa BOMBO RADYO, gihayagan ni Jan Boy Actub, spokesperson ni City Mayor Rolando Klarex Uy ang impormasyon kalabot sa suspension sa klase ning adlawa.
Mitin-aw si Actub nga walay gipagawas nga kamanduan ang buhatan sa mayor bahin niini ug tataw nga “clone account” sa CIO ang nagkatag sa social media nga Meta.
Gi-awhag ni Actub ang mga netizens nga dili basta basta magshare sa mga dili beripikado nga accounts ilabe na nga usa ra ang verified account sa CIO.
Una niini, gibutyag sa opisyal nga gitakdang makighinabi ang mayor sa mga kadagkuan sa City Health Office (CHO) ug City Disaster Risk Reduction and Management Officer (CDRRMO) ug sa Department of Education (DepEd) aron mapangitaan sa pamaagi nga mahimong luwas ang pisikal nga klase sa mga magtutungha taliwala sa hulga sa “dangerous level” nga heat index.
