Migawas sa audit observation nga si Vice President Sara Duterte mismo ang nakapirma sa mga disbursement voucher ug sa fiscal ug financial plan nga basehan sa pag-release sa confidential funds sa Office of the Vice President sa unang tulo ka quarter sa 2023.
Kini ang gibutyag ni House Prosecution Panel Spokesperson Zia Alonto Adiong sa pakighinabi sa BOMBO RADYO CDO.
Miingon si Adiong nga ang mga dokumento sama sa utilization report, accomplishment report, ug liquidation report nagpakita nga siya ang nag-aproba sa tanan nga proseso.
Gibutyag usab sa magbabalaod nga pinaagi sa mga gisaysay sa kanhi state auditor nga Roderick Wamel nga adunay mga discrepancies sa paggamit sa pondo nga dili tugma sa joint circular, sama sa pag-reward ug tambal ug uban pang butang nga wala sa criteria.
Tungod niini, giila sa prosecution nga “smoking gun evidence” ang nabalidar ug napagawas nga Commission on Audit (COA) ug Audit Observation Memorandum ug Notice of Suspension.
Una niini, gitin-aw usab ni Adiong nga base sa pahayag sa testigo, gihatagan ang OVP sa 15 ka adlaw aron isumite ang kulang nga dokumento apan wala kini natuman.
Busa, napamatud-an nga si VP Duterte ang responsable sa pag-aprobar ug paggamit sa confidential funds nga gi-question sa COA.
