Gibutyag ni House Prosecution Panel Spokesperson Rep. Renee Co nga ang mga anomalya nga nakit-an sa audit report sa Commission on Audit (COA) mahimong gamiton sa prosecution aron ipakita ang giingong betrayal of public trust.
Matod niya, dili igo ang acknowledgment receipts isip pamatuod sa hustong paggamit sa Confidential and Intelligence Funds, ug gikinahanglan usab ang official receipts ug ubang dokumentasyon.
Gipasiugda usab sa prosecution nga adunay iregularidad ang mga resibo, lakip ang giingong physical impossibility sa mga transaksyon, mga isyu sa handwriting, ug mga petsa nga dili mohaom sa panahon sa mga transaksyon.
Samtang giila ni Co nga adunay counter-argument ang depensa, iyang gipasiugda nga lahi ang standard sa COA proceedings ug ang threshold sa pagdeterminar kung adunay betrayal of public trust. (RIZA BUDLAO)
