Giputol na ni Ateneo Blue Eagles Head Coach Tab Baldwin ang iyang kahilom ug emosyonal nga nangayo og pasaylo human sa trahedya sa pagkalunod sa Aurora nga nikalas sa duha ka student-athletes nga silang Rene Baterbonia ug Divine Adili.
Giangkon ni Baldwin nga dako ang iyang pagmahay ug gibati niya nga napakyas siya isip lider, coach, ug higala sa duha ka biktima.
Sumala kaniya, gipagawas ang mga magdudula alang sa usa ka naandan nga training run sa dapit nga abi nila mabaw ra, apan kalit lang silang napadpad sa delikadong lawom nga bahin sa dagat.
Bisan pa man sa tanan nilang paningkamot ug sa ubang kaubanan aron maluwas ang tanan, wala na gyod nila masalbar ang duha ka batan-on.
Sa iyang grabeng kaguol, ang bugtong gihuptan na lang karon sa coach mao ang pag-ampo nga unta hatagan sa Ginoo og kalinaw ug kahupayan ang pamilya sa mga biktima. (riza budlao)
