Gidid-an una sa University Athletic Association of the Philippines (UAAP) ang tanang coaching staff sa Ateneo de Manila University Men’s Basketball Team sa pag-apil sa bisan unsang kalihokan nga may kalabotan maong UAAP.
Kini atol sa nahitabong trahedya sa Dipaculao, Aurora diin namatay ang duha ka student-athletes niini.
Kini nga desisyon epektibo dayon samtang gihulat pa ang resulta sa nagpadayong imbestigasyon sa gobyerno, sa Ateneo, ug sa mismong liga.
Gihatagan usab sa UAAP ang Ateneo hangtod Hulyo 15, 2026 aron isumite ang opisyal nga resulta sa ilang kaugalingong fact-finding inquiry.
Mahinumduman nga una nang gidawat sa unibersidad ang pagluwat sa katungdanan ni head coach Tab Baldwin ug team manager Epok Quimpo human sa maong insidente sa pagkalunod niadtong Hunyo 8. (RIZA BUDLAO)
