Andam na ang Cagayan de Oro City Police Office (COCPO) sa pagpatuman sa gihan-ay nga security plan alang sa tibuok bulan nga saulog sa Higalaay Festival.
Sumala ni Police Major Emilita Simon, spokesperson sa COCPO, aduna na’y mga individualized security plans nga giandam alang sa matag core, major, ug regular events sa maong kalingawan.
Daghan na sa mga plano ang kompleto ug andam na alang sa deployment sa mga kapulisan aron masiguro ang kaluwasan sa tanan.
Bisan pa man niini, padayon gihapon ang coordination meetings ug follow-ups sa pulisya kauban ang mga event organizers alang sa pipila ka aktibidad nga wala pa hingpit nga na-final.
Tumong sa COCPO nga mapanalipdan ang matag adlaw nga selebrasyon aron magpabilin nga hapsay ug gawasnon sa bisan unsang hulga ang bukidnon nga selebrasyon.
Gisiguro sa kapulisan nga naka-calendar na ang tanang preparasyon aron masagubang ang dagsang sa mga residente ug bisita sa dakbayan.
