Misaka pa sa 1,118 ang kumpirmadong nag sakit sa Ebola didto sa Democratic Republic of the Congo (DRC) .
Natala usab ang 291 ka tawo ang namatay, sumala sa pinakabag-ong update sa gobyerno niadtong Martes.
Ang datos nagpakita nga 122 ka pasyente nakarecover samtang 408 pa ang ginatambalan, nga nagresulta sa case fatality rate nga 26 porsyento.
Aktibo gihapon ang epidemiological surveillance nga nakaila og 138 ka suspected cases, samtang ang contact follow-up rate mitungas sa 77.1 porsyento.
Ang Ituri province nagpabilin nga epicenter sa outbreak, samtang ang South Kivu province wala na makarekord og bag-ong transmission sukad Mayo 26.
Bisan pa sa pagpalig-on sa surveillance ug response measures, giingon ni WHO Director-General Tedros Adhanom Ghebreyesus nga ang outbreak nagpadayon nga molabaw sa kapasidad sa tubag ug nagpabilin nga dakong hagit sa rehiyon.
