Mupatuman sa 40% nga usbaw sa balayrunon sa tubig ang Cagayan de Oro Water District. Kini ang gibutyag ni Dr. Gerry J. Caño board of director sa COWD.
Miingon si Dr. Caño nga gikinahanglan kini nga lakang aron matubag ang ilang nagkadakong problema sa Non-Revenue Water ug mapundohan ang ilang mga gikinahanglang proyekto alang sa serbisyo, ning tuiga.
Mitug-an ang opisyal nga wala silay nadawat nga subsidiya gikan sa lokal o nasudnong kagamhanan ug dili usab sila makapangutang sa mga bangko tungod sa kakulang sa kapasidad sa pagbayad.
Hinoon, gitin-aw ni Caño nga ang usbaw i-agi nila sa konsultasyon sa mga kunsumidor ning syudad
