CAGAYAN DE ORO CITY – Gusto sa interim Cagayan de Oro Water District o COWD mngt nga hangyoon ang kompanyang MetroPac Waters ug Cagayan de Oro Bulk Water Incorporated o COBI nga haw-ason ang ilang kaso nga gipasaka sa Singapore International Arbitration Committee ug ibalik dinhi sa nasud.
Kini aron mas mapasayon sa ahensiya nga makatambong ug makahimo sa negosasyon aron mabayran ang minilyong utang niini ngadto sa maong kompanya.
Miingon si interim COWD General Manager Fermin Jarales nga katuyuan niini nga makadaginot sa panalapi ang ilang buhatan kon sa kauluhan o dinhi sa dakbayan ang padayong pagsulbad sa suliran.
Una ang nagka-problema ang maong bayrunon kay wala ilha sa kasamtanangang regular COWD BODs ang kontrata sukad tuig 2017.
Hisayrang sa pagbuto sa maong isyu sa tuig 2024,anaa pa sa sobra 700 milyones pesos ang obligasyon sa COWD ngadto sa COBI.
