Gikondena sa anti-war advocate nga si Ben Tiu Contreras ang posibleng epekto sa tensyon sa Middle East sa Pilipinas, ilabi na nga adunay siyam ka EDCA sites sa nasud, lakip ang Lumbia Airbase sa Cagayan de Oro.
Sumala kaniya, ang leksyon alang sa Asia-Pacific, labi na sa Pilipinas, mao nga adunay risgo nga mahimong biktima sa maong kagubot tungod sa presensya sa mga military assets sa nasud.
Giingon niya nga sama sa nahitabo sa Middle East, ang mga nasod nga dunay military bases mahimong target sa mga retaliatory attacks.
Ang Pilipinas, ingon niya, mahimo usab nga maapektuhan kung adunay tensyon tali sa Taiwan ug China, tungod kay ang presensya sa mga base sa nasud posibleng madala sa direktang kalihukan sa militar.
Giduso ni Contreras nga ang gobyerno ug katawhan magbantay ug mag-andam sa mga posible nga epekto sa seguridad ug ekonomiya sa nasud.
Giingon niya nga ang awareness ug preparedness importante aron malikayan ang dakong kadaut sa publiko ug infrastruktura.
Gipanawagan karon sa anti-war advocate nga seryosohon ang regional tensions ug pagplano sa maayong pamaagi aron protektahan ang nasud.
