Dali ra kaayo mangakusar ug magpasaka’g sumbong, apan, lisud ang pag-probar niini sa korte.
Kini ang dakung hagit sa prosekusyon nga nakita sa kanhi magbabalaod ug Mayor Atty Constantino Tinner Jaraula.
Sa interbyu sa BOMBO RADYO, miingon si Jaraula nga taliwala sa nagpadayong binayloay sa pasangil sa nagkalain-laing kampo, nanawagan siya sa katawhan nga pa-abuton ang pormal nga hearing aron dinhi masusi sa hustong paagi sa pagkab-ot sa kamatuoran.
Iya usab gidasig ang katawhan nga pamati-on ang mga tubag batok sa mga argumento ug pasangil, kay dinhi matimbang-timbang kung ang usa ka tawo sad-an batok sa mga kaso nga iyang gi-atubang.
