Giturn-over na sa Department of Budget and Management (DBM) ngadto sa House of Representatives ang P7.2 trillion National Expenditure Program (NEP) para sa fiscal year 2027.
Ang pormal nga pag-turn sa NEP ngadto sa House of Representatives kay gipanguluhan ni DBM Secretary Kim Robert C. de Leon nga nahitabo niadtong Agosto 11, 2026 ug matud pa kaniya, mas taas kini ug 6 porsiyento kung ikumpara sa fiscal year 2026 nga budget.
Dugang ni de Leon, ang hinungdan sa sugyot nga pagtaas og 6 ka porsiyento kay ang gikinahanglang pondo nga obligasyon sa gobyernong mahatag sama sa mas taas nga National Tax Allotment (NTA) alang sa mga lokal nga kagamhanan, ang ikaupat nga hugna sa pagpasaka sa suholan sa mga sibilyan nga kawani sa gobyerno ubos sa Executive Order No. 64, katugbang niini ang pagpasaka sa suholan sa mga militar ug uniformed personnel, ug uban pang mga kasamtangang obligasyong piskal.
Dugtong niini, miingon pud si de Leon nga ang maong sugyot nga budget kay maghatag pud og prayoridad sa mga pagpamuhonan sa imprastraktura, edukasyon, panglawas, seguridad sa pagkaon, ug pagpanalipud sa katilingban. (raniel mahunyag)
