Gibatikos ni Mamamayang Liberal (ML) Partylist Representative Leila De Lima si Vice President Sara Duterte tungod sa iyang kahilom sa duha ka isyu.
Una, ang sexist ug misogynistic nga mga pamahayag ni Kongresista Bong Suntay. Ikaduha, ang tensyon sa West Philippine Sea (WPS) nga naglakip sa Philippine Coast Guard ug China.
Kini maoy unod sa iyang privilege speech diin iyang gipamugos nga wala’y klarong komentaryo o aksyon ang bise presidente sa pagpanalipod sa kababaihan ug sa soberaniya sa nasud.
Gikondinar sa ML Partylist ang bugnaw nga pamatasan ni Duterte, ilabi na nga siya usa ka babaye ug ikaduha sa pinakataas nga opisyal sa Pilipinas.
Gi-awhag ni De Lima nga mupagawas sa komento si Duterte, alang sa usa ka tin-aw ug lig-on nga posisyon aron makita sa katawhan ang iyang tinuod nga baruganan batok sa pagpang-insulto sa kababaihan ug sa pagpanalipod sa soberaniya sa nasud.
