Gipahibalo ni COMELEC Chaiperson George Erwin Garcia nga dili na kinahanglan apason sa mga magtutudlo ang deadline sa paggamit sa ilang service credits isip bayad sa pagserbisyo sa eleksyon.
Kini human tangtangon sa poll body ang kanhing tulo ka bulan nga limitasyon sa paggamit sa maong service credits ubos sa Resolution No. 11212-A.
Sumala sa COMELEC, mahimong gamiton sa mga magtutudlo ang ilang lima ka adlaw nga service incentive leave bisan kanus-a human sa ilang election duty, lakip na hangtod sa ilang pagretiro.
Sakop niini ang National and Local Elections, Barangay ug Sangguniang Kabataan Elections, Bangsamoro Parliamentary Elections, special elections, ug uban pang electoral exercises. (riza budlao)
