Dili sulbad ang death penalty aron mahunong na ang mga dagkung krimen sa nasud.
Sa interbyu sa BOMBO RADYO kang Atty. Dino de Leon, siya mipasabot sa publiko nga dili lang kini ang solusyon sa problema sa krimen tungod kay mas importante nga masiguro nga madakpan ug mapriso ang mga kriminal aron malikayan ang padayon nga pagbuhat sa salaod.
Gipahinumdom niini nga sa desisyon sa Korte Suprema sa kaso People vs. Mateo niadtong 2004, tulo sa matag upat ka death penalty convictions ang nasuta nga sayop.
Kini nagpakita nga dako ang risgo sa pagpatuman sa silot nga kamatayon.
Inay silot kamatayon, iyang gi-awhag ang gobyerno nga palig-onon ang law enforcement ug justice system aron masiguro ang hustisya.
Sa iyang panan-aw, ang paghatag sa life imprisonment sa mga sad-an mao’y mas husto ug mas makatarunganon nga paagi.
