Mikalas sa 39 ka tawo ang gidaghanon sa namatay tungod sa grabe nga pagbaha nga dala sa Tropical Storm Maysak ug kusog nga ulan sa Guangxi region.
Kadaghanan sa mga biktima mao ang 26 nga namatay human sa pakaguba sa Liulan Reservoir samtang siyam pa ang missing.
Kapin sa 130,000 ka tawo ang gipapahawa gikan sa peligro nga lugar ug daghang balay ug dalan ang natabunan sa lapok ug debris.
Gi-report usab nga kapin sa 100 ka hayop gikan sa Guigang Zoo ang nakagawas human naguba sa baha ang ilang enclosures sa Zoo.
Padayon ang rescue operations gamit ang drones ug libo ka rescuers samtang ginasubay pa ang epekto sa bagyo ug posibleng dugang nga pagbaha ug landslide.
