Gisulayan sa depensa nga panel kung gi-rehearse ba ang testimonya ni NBI Director Melvin Matibag bahin sa giingong “grave threats” ni Bise Presidente Sara Duterte pinaagi sa pangutana ni Atty. Mark Vinluan sa iyang cross-examination kung nakaistorya ba siya sa mga House prosecutors.
Gipatin-aw ni Defense Panel Spokesperson Michael Poa nga normal lang ang pag-istorya ni Matibag sa prosecution aron masabtan ang sakop sa iyang testimony ug dili kini pasabot nga gi-andam o gi-rehearse ang iyang tubag.
Matud pa ni Poa, ang pangutana usa ka pamaagi aron masuta kung tinud-anay ang testimonya o dili.
Giklaro usab niini nga si Matibag misulti nga nakig-istorya siya apan limitado lang sa sakop sa iyang pagtestigo.
Ang depensa nagpasabot nga kini nga proseso usa ka pamaagi sa hustisya aron masiguro ang patas nga pagdungog sa kaso.
