Gisaway ni House impeachment trial spokesperson ug Kabataan Party-list Rep. Renee Co ang pre-trial brief ni Bise Presidente Sara Duterte ug gihulagway kini nga “tunog lata” tungod sa kakulang sa klarong tubag sa mga alegasyon batok kaniya.
Si Co miingon nga pulos ra pagdumili ug “blanket denial” ang unod sa depensa imbes nga hatagan sa katin-awan ang mga isyu sama sa giingong sayop nga paggamit sa confidential funds ug korapsyon.
Gipasabot usab sa magbabalaod nga walay igong detalye kon ngano ug para asa ang mga gipresentar nga ebidensya ug testigo sa kampo sa Bise Presidente.
Tungod niini, nagtuo si Co nga wala seryosoha sa kampo sa bise presidente ang proseso sa impeachment batok kaniya.
Dugang pa niini, kinahanglan silang maghatag sa mga konkretong tubag ug tinuod nga rebuttal imbes nga basta-basta lang nga molimod nga walay kontra-tubag sa mga ginapangutana.
