Mipadayag si Education Secretary Sony Angara nga mapasalamaton kini sa mga kapulisan tungod sa ilahang presensya sa mga dagkong tunghaan sa nasud.
Matud ni Angara, gidasig nila ang presensya sa mga kapulisan sa mga dagkong tunghaan ug nahisgutan na pud ni Interior Secretary Jonvic Remulla ug Police General Jose Melencio Nartatez Jr. nga ilang palig-onon ang presensya sa mga kapulisan ug mga barangay tanod aron sa pagpatrolya sa palibot sa mga tunghaan.
Gibutyag niya nga dili igo ang pagbutang og mga gwardya sa mga tunghaan hilabi na nga adunay pagtaas sa mga kaso sa gang activities ug school related violence sulod sa mga dagkong tunghaan sama sa nahitabo nga insidente sa pagpamusil sa San Jose National High School didto sa Tacloban City niadtong Hunyo 22, 2026 nga nahitabo gihapon bisan pa man adunay gwardya sa tunghaan.
Dugang pa niya, labing maayo nga lakip ang tibook komunidad sa pagbantay sa mga tunghaan sa nasud aron masigurong malikayan ang pagkahitabo sa mga school related violence ug mga krimen sulod sa mga tunghaan. (raniel mahunyag)
