Gituldukan na ni Department of Interior and Local Government (DILG) Secretary Juanito Victor Remulla ang mikatap nga tsismis pinaagi sa pagklaro nga wala pa nadakpan si Senator Ronald “Bato” Dela Rosa.
Gihimo ni Remulla ang pahayag human nagtrending sa social media ang pahayag nga adunay nag “hudas” sa senador pinaagi sa mga post ni kanhi presidential spokesperson Atty Harry Roque ug sa iladong DDS Lawyer nga si Atty Jimmy Bondoc.
Miingon ang kalihim nga wala silay ideya kung napadala na ba sa The Hague Netherlands ang senador, apan ang klaro, mao nga padayon nilang gi-manhunt si Bato.
Una niini, gibutyag ni Remulla nga gipanigurado sa gobyerno nga walay itagong sekreto nga mga operasyon ug bukas ang tanan nilang lihok alang sa kahibalo sa kadaghanan.
