Pormal nga nagpasaka sa diplomatic protest ang Department of Foreign Affairs (DFA) batok sa China tungod sa usa ka “racist” nga AI-generated video sa state-run media nga China Daily nga nagpakita sa mga Pilipino isip mga ‘unggoy’ ug giingong nagpakaubos sa arbitral victory sa nasod.
Personal nga gidemanda ni DFA Undersecretary Leo Herrera-Lim kang Chinese Ambassador Jin Yuan ang pagtangtang sa maong materyal tungod kay nakadaot kini sa mutual nga respeto, ug bilateral relations sa duha ka nasod.
Misulat na usab ang Philippine Embassy sa Beijing ngadto sa editor-in-chief sa maong publication aron ipatangtang ang video.
Sa pikas bahin, gipanghimakak ni Chinese Foreign Ministry spokesperson Lin Jian ang kalambigitan sa ilang kagamhanan bahin sa maong video, ug gisubli niini ang baruganan sa Beijing nga ilegal ug wala nay bisa ang 2016 South China Sea arbitral ruling.
Hisayran nga gihulagway sa DFA ang video isip ‘racist’, pagpanginsulto, ug kawalay-respeto sa dignidad sa mga Pilipiino.
