Mitugot si Department of Public Works and Highway (DPWH) Secretary Vince Dizon nga motabang sa bisan unsang imbestigasyon nga motumaw kalabot sa giingong iregularidad sa 2019 Southeast Asian Games nga gipahigayon sa Pilipinas ubos sa administrasyong Duterte.
Mi-angkon si Dizon nga siya ang nagdumala sa pagtukod sa mga sports facilities isip presidente ug CEO sa Bases Conversion and Development Authority.
Gipamugos ni Dizon nga ang kaso batok kaniya gibasura niadto pang 2021 ug wala na kini’y ligal nga basehan.
Gipaniguro sa kalihim nga andam siyang mutabang sa gobyerno kung nagpangita kining kahayag o transparensiya sa mga pagduda sa ilegal nga gipadulngan sa pondo sa maong torneyo.
