Gikumpirma ni Department of Public Works and Highways Secretary Vince Dizon nga gipatangtang na niya sa pwesto ang District Engineer sa Department of Public Works and Highways sa Camarines Sur 1st District Engineering Office nga si Engineer Ramon Anselmo C. Calagos.
Matud pa ni DPWH Secretary Dizon, gipatangtang niya sa pwesto si Engineer Calagos tungod sa kakulangon sa mga road safety warning signs ug traffic safety devices sa dalan nga kamulong giayo didto sa Barangay Magais, Del Gallego, Camarines Sur nga nagresulta sa disgrasya.
Dugang niya, nagmando na sila sa tanang mga district engineers sa tibook nasud nga mahimong hugot sa pagsunod sa mga lagda sa kaluwasan aron malikayan ang mga aksidente nga mamahimong mokutlo og kinabuhi sa mga motorista.
Dugtong niini, miingon pud si Dizon nga papanubagon gihapon nila ang kontratista nga maoy dapat nga magbutang ug mga saktong safety signs ug dapat musunod og hugot sa lagda para sa kaluwasan. (raniel mahunyag)
