Masaligon si Department of Public Works and Highways (DPWH) Secretary Vince Dizon nga lig-on ang mga ebidensya batok kang Leyte Rep. Martin Romualdez kalabot sa isyu sa flood control projects.
Gibutyag ni Dizon nga siya mismo ang nagsumite sa maong mga dokumento ngadto sa Office of the Ombudsman niadtong Nobyembre 30, 2025.
Kini nga mga ebidensya ang nahimong basehan sa korte sa pagpagawas sa “freeze order” sa mga kabtangan ni Romualdez ug sa pagdili kaniya nga makabiya sa nasod.
Gipasabot sa kalihim nga bisan og daghan ang nagpaabot nga makita kining mapriso, kinahanglan gihapon nga sundon ang saktong proseso sa balaod.
Mahinumduman nga si Romualdez ang nagsilbing Speaker sa mubo nga panahon sa dihang namugna ang kontrobersyal nga 2025 National Budget. (riza budlao)
