Gihimakak ni DPWH Secretary Vince Dizon ang ideya nga aduna siyay pagduha‑duha pagpasakag kaso batok kang kanhi House Speaker Martin Romualdez. Miingo si Dizon nga ang ahensya pa ang nagrekomendar sa Independent Commission for Infrastructure nga kasohan si Romualdez ug si kanhi AKO Bicol Representative Zaldy Co, tungod sa paglambigit sa ilang ngalan sa testimonya sa mga nalambigit sa kurapsyon sa flood control projects. Atol sa plenary debate sa 2026 DPWH budget, gisuspenso ang mga lagda aron matugotan si Secretary Dizon nga direkta motubag sa pangutana ni Senator Francis Chiz Escudero. Gipamugos ni Dizon nga klaro ang direktiba ni Presidente Ferdinand Marcos Jr., nga subayon ang mga ebidensya, ug isalikway ang personal nga relasyon.
