Gipanghimakak sa Department of Justice (DOJ) nga gidali sa Sandiganbayan ang pagbasura sa ‘motion to quash’ ug ang pagpagawas sa warrant of arrest batok kang Senador Rodante Marcoleta taliwala sa mga kwestyon sa paspas nga dagan sa iyang kasong plunder.
Matod ni Justice Undersecretary Nicholas Felix Ty, ang korte lamang ang adunay gahum sa pagdesisyon sa dagan sa kaso, ug ang matag desisyon gibase gayod sa ebidensya ug sa kaugalingong proseso sa hudikatura.
Gipasabot usab sa DOJ nga dili kinahanglan nga gikan sa pondo sa nasod ang kwarta nga nalambigit aron mahimo kining basehan sa maong kaso batok sa senador.
Gidugang ni Ty nga tin-aw sa ‘Anti-Plunder Law’ nga manubag gihapon ang usa ka opisyal sa gobyerno kung modawat kini og komisyon o kickback gikan sa iyang posisyon, bisan pa og gikan kini sa usa ka pribadong indibidwal.
