Gitin-aw sa Department of Justice (DOJ) nga dili sila makalikay sa desisyon sa Korte Suprema kon kini mosulti nga dili pwede itahan sa International Criminal Court (ICC) ang giingong mga co-perpetrators ni kanhi President Rodrigo Duterte.
Kini ang gihayagan ni DOJ Spokesperson Atty Polo Martinez human subli mitumaw ang spekulasyon nga depektoso na ang justice system sa nasud kay basta-basta nalang ihatag sa gobyerno ang mga gisingil nga mga personalidad sa ICC.
Miingon si Atty Martinez nga hulaton sa DOJ ang ruling sa Supreme Court sa mga petisyon nga nag-question sa konstitusyonalidad sa pagdakop ug turnover sa mga giakusahan ngadto sa ICC.
Gipasabot usab sa ahensya nga ang DOJ mismo wala’y mandato sa pagpatuman sa arrest warrants kay kini trabaho sa mga law enforcement agencies sama sa National Bureau of Investigation (NBI) ug PNP.
