Giisyuhan sa Department of Justice (DOJ) og Immigration Lookout Bulletin Order (ILBO) si kanhi Ateneo Blue Eagles head coach Thomas Anthony “Tab” Baldwin ug upat pa ka kauban niini.
Apil sa maong kamandoan ang kanhi team manager nga si Christopher “Epok” Quimpo ug ang mga assistant coach nga silang Reynaldo Jacinto Jr., Dean Castaño, ug Sandro Soriano.
Matod ni DOJ Secretary Fredderick Vida, kini kalabot sa nagpadayong imbestigasyon sa kamatayon sa duha ka magdudula sa maong koponan nga silang Rene Baterbonia ug Divine Adili.
Giklaro hinuon ni Vida nga ang ILBO wala nagpasabot nga gidid-an na silang makagawas sa Pilipinas, kon dili usa lamang kini ka paagi sa pag-monitor sa ilang mga biyahe.
Sa pagkakaron, mi-abante na ang ahensya sa pagsusi sa tinuod nga hinungdan sa trahedya aron makab-ot ang hustisya.
