Muhatag sa legal nga giya ang Department of Justice (DOJ) Region-10 alang sa natukod nga Laguindingan International Airport Interagency Drug Interdiction Task Group (LIA-IADITG). Gipasabot ni Atty. Merlyn Uy, regional prosecutor sa DOJ Region-10, nga maoy ilang lig-ong suporta sa PDEA tungod sa kadako ug kalisod sa operasyon nga nagkinahanglan sa tinabangay sa tanang ahensya. Iyang giingon nga ang operasyon gimugna aron masiguro ang epektibong pagpangpatuman sa RA 9165 o Comprehensive Dangerous Drugs Act. Giandam na sa DOJ ang tanang kinahanglanon alang sa pormal nga pagsugod sa operasyon sa task group sa pinakadali nga panahon.
