Walay labot si Vice President Sara Duterte sa immunity sa ipasaka nga kaso batok kaniya, gawas sa mga kasong ipasaka sa kang President Ferdinand Marcos Jr.
Kini ang gitin-aw ni Department of Justice (DOJ) Secretary Fredderick Vida, human nagpalanog ang mga supporters sa bise presidente sa pagkuwestiyon sa iyang immunity sa mga kasong kriminal samtang nangatundanan pa.
Sa press briefing nga gilusad sa DOJ gitin-aw ni Vida nga presidente ra ang adunay sagang sa bisan usang porma sa kaso kay tin-aw kining nakalatid sa konstitusyon.
Kini ang rason nga bisan siya ang ikaduha sa pinakataas nga opisyal sa nasud, pwede siyang mapasak-an sa kaso.
Mahinumduman nga ang DOJ mismo ang miduso sa 3 ka ihap sa pagpanghulga sa presidente, unang ginang ug kang kanhi speaker Martin Romualdez.
