CAGAYAN DE ORO CITY – Namiligro nga ang dula ni Dallas Mavericks shooting guard Luka Doncic sa game 3 tungod sa iyang gihambin nga thoracic contusion kon hubag sa dughan; gawas pa sa iyang gisagubang nga pagkatuis sa iyang tuo nga tuhog, ug paghubag sa iyang wala nga bukong-bukong.
Mismo ang Mavericks Coach Jason Kidd ang mi-anunsyo nga delikado ang kahimtang ni Doncic, busa wala pay cguro nga makadula kini balik sa ilang korte.
Kagahapon, nalat-an gihapon sa game 2 ang Dallas dihang gitapos sa Boston Celtics ang ilang impresibong performance sa finals score 108-95. Gipanguluhan ni Jaylen Brown ang Celtics pinaagi sa iyang 22 puntos; 2 assists; 3 ka steals; ug 3 ka blocks.
Samtang si Doncic mitapos sa iyang dula pinaagi sa iyang 30 puntos; 10 rebounds; 2 ka blocks ug usa ka assist.
Taliwala sa ilang duha ka pildi masaligon gihapon si Doncic ug Kyrie Irving nga makabalos sa game 3 sa Huwebes sa buntag.
