Gipakita sa batan-ong tennis star nga si Alex Eala ang iyang kaisog human niya gilubong sa ikatulo nga set ang world no 3 nga si Jessica Pegula pinaagi sa 4-6, 6-4, ug 6-0 nga marka sa Mubadala DC Open sa Washington.
Nabawi sa maong Filipina netter ang iyang momentum pagkahuman sa pagkaoktabo sa dula tungod sa kusog nga ulan diin gipangulohan niya ang ikaduhang set sa 2-1 nga puntos sa wala pa napugos ang suspension.
Matud pa sa taho gikan sa organizers sa WTA Tour, nakahimo si Eala og walo ka sunod-sunod nga daug sa dula nga naghatag kaniya sa iyang labing unang WTA 500 title sa tibuok niyang karera.
Bisan pa man gipabla ni Pegula ang score sa 2-2 sa pagpadayon sa duwa, nidominar gihapon ang taga-Pilipinas hangtod nakakuha og zero puntos ang Amerikanang kampeon sa kataposang set.
Tungod sa maong impresibong duwa, nalabwan na sa 21 anyos nga atletang Pinoy ang iyang duha ka naunang WTA 125 titles pinaagi sa makasaysayanong kadaugan nga naghatag og dungog sa tibuok nasod.
