Gitataw ni House Speaker Faustino “Bojie” Dy III nga ang Department of Public Works and Highways (DPWH) na ang bahala sa pagrekomendar kung unsang mga flood control projects ang angay isulod sa 2026 proposed national budget.
Mahinumduman nga sa budget deliberation sa DPWH, mismo si DPWH Sec Vince Dizon ang namahayag nga gitangtang na sa ahensya ang P252 bilyon nga pondo alang sa mga locally funded flood control projects pinaagi sa direktiba ni Presidente Ferdinand Marcos Jr.
Tumong niini nga malimpyohan ang budget gikan sa mga anomalya.Gi-rebisa sa ahensya ang ilang budget proposal sa 2026 ug giwagtang kini gikan sa P881 bilyon ngadto sa P625.8 bilyon.
Wala na gilakip ang mga flood control projects nga walay foreign funding, duplicate, o nahuman na.
Ang mga proyekto nga natumbok isip ghost o substandard giimbestigahan na karon.
Gibutyag sa kalihim nga ang pondo nga nawagtang mahimong gamiton isip duhang alokasyon sa sektor sa agrikultura, edukasyon, healthcare, housing, ug uban pa.
