CAGAYAN DE ORO CITY – Gihalaran sa city-based events organizers sa mga pag-ampo ug mini-concert si kanhi Pres Rodrigo Duterte nga pabiling detinado sa International Criminal Court detention facility sa The Hague,Netherlands sa Gaston Park,Brgy 1,Cagayan de Oro City kagabii.
Miingon ang alyado ni Duterte nga si 2nd District City Councilor Girlie Balaba nga kabahin kini sa pre-birthday celebration ni Duterte sa Marso 28 ning tuiga.
Siya miingon nga dili mohunong ang political supports sa kanhi presidente sa ilang prayer rallies hangtod nga makabalik kini sa Pilipinas.
Magduha ka semana na karong adlawa sukad nga gitugtan ni Pres Bongbong Marcos nga dad-on sa ICC si Duterte tungod sa kasong crimes against humanity.
Hisayrang tungod sa daw dili ensakto nga proseso nga pagdakop kang Duterte ug walay hurisdiksyon ang ICC sa Pilipinas,miulbo sa kasuko ang iyang political supporters dili lang sa lokalidad apan bisan sa daghang bahin sa kalibutan diin makita ang Pinoy workers.
