Malampuson nga nakabawi si Alex Eala batok kang Maya Joint sa Australia, 3-6, 6-2, 6-0, aron sa unang higayon makasulod sa third round sa Wimbledon Ladies’ Singles didto sa London.
Human mapildi sa Eastbourne Open final niadtong Hunyo 2025, dako ang motibasyon sa Filipina nga makabawi batok sa maong Australian nga mibalda sa iyang pangandoy nga makuha ang unang WTA title.
Giangkon ni Eala nga grabe ang iyang hilak niadtong kapildihana, apan nalipay siya nga dako na ang iyang kauswagan karon nga tuiga.
Gawas sa iyang tinguha nga makabawi, nadasig usab siya nga modaug para sa iyang coach nga nagsaulog sa adlawng natawhan niadtong Huwebes.
Hisayran nga sunod nga sangkaon ni Eala ang World No. 3 nga si Iga Swiatek, diin nagtabla sila sa ilang miaging duha ka dula
