Nasakmit sa Pinay tennis star nga si Alex Eala ang usa ka makasaysayanong kadaogan human niya gipalagpot ang defending champion ug world no. 3 nga si Iga Swiatek pinaagi sa straight sets, 7-6(9), 6-2, sa Round of 32 sa 2026 Wimbledon Championships.
Human sa serye nga tiebreaker sa unang set nga miabot og 85 ka minuto, daling gidominar ni Eala ang ikaduhang set aron hingpit nga makuha ang kadaugan.
Tungod niini, nakuha sa batan-ong Pinay ang iyang ika-7 nga daog batok sa usa ka top-10 opponent ug nakuha usab ang 2-1 nga bentaha sa ilang head-to-head record batok sa Polish tennis star.
Hisayran nga pinaagi niining maong makasaysayanong kalampusan, si Eala ang nahimong unang Pilipino nga nakaabot sa Round of 16 o ika-upat nga hugna sa usa ka Grand Slam singles tournament.
