Gipahayag sa spokesperson sa prosecution panel nga si Ex-Rep. Robert Ace Barbers nga ilang gigamit ang pamahayag ni Arturo Lascañas bahin sa pagmando ug pagtugot sa extrajudicial killings sa Davao City aron pamatud-an ang “pattern of violence” ni Vice President Sara Duterte.
Gibutyag ni Barbers nga kining maong affidavit nga una nang gigamit nga ebidensya batok sa kanhi Presidente Rodrigo Duterte ay gidawat na sa impeachment court isip kabahin sa gipresentar nga mga ebidensya.
Gitakda nga ang mga senator-judges na ang magdesisyon kon pormal ba nilang dawaton ang maong dokumento inag abot sa pormal nga pag-offer sa prosecution.
Kon pormal kining madawat, gibug-atan sa prosekusyon nga dako kaayo kini ug epekto tungod kay gipakita niini ang sunod-sunod nga gawi sa biyolensya sa bise presidente.
Kining maong lihok naghatag matud pa ug lig-ong basehan kon ngano nga nakahimo ug grave threats ang ikaduhang pangulo batok sa ubang opisyal sa nasud.
Gibitbit sa panel nga kini gayud ang pinaka-sentro ug pangunang isyu nga kinahanglang tubagon ug timbang-timbangon sa impeachment court.
