Hugtanong gisupak sa Employers Confederation of the Philippines (ECOP) pinaagi sa ilang representante nga Antonio Sayo nga dili angay himuong benchmark o tamdanan sa tibuok nasod ang ₱85 nga dugang-suholan sa Metro Manila.
Gitin-aw ni Sayo nga magkalahi ang gasto sa pagpuyo ug ang kahimtang sa negosyo sa Manila itande sa mga probinsiya.
Siya miingon nga kadaghanan sa mga trabahante sa probinsiya duol ra ang puy-anan sa ilang mga pabrika, hinungdan nga mas gamay ang ilang kinahanglang pletihan ug uban pang batakang gasto.
Tungod niini, nagtuo ang mga employer nga angay ipadayon ang regional development aron magpabilin nga kompetitibo ang matag rehiyon sa pagdani sa bag-ong mga negosyo.
Dugang pa sa opisyal, kun managsama ra ang sakop ug kadako sa suholan sa tibuok nasod, mawad-an sa kadasig ang mga namuhunan nga magtukod sa kompanya sa mga probinsiya.
Busa, gipamugos sa ECOP nga kinahanglang magpabilin nga magkalahi ang wage rates depende sa lokal nga ekonomiya sa matag dapit
