Mipahayag si Education Secretary Sonny Angara nga daghan na silag gisugyot nga mga solusyon aron malikayan ang mga school-related violence sa nasud.
Usa sa mga nahisgutan ni Secretary Angara ang pagbutang ug mga gwardya sa mga tunghaan apan sa pagkakaron kulang pa daw ang pondo sa Department of Education (DepEd).
Sumala pa niya, ang ilahang suhestiyon kay ang pagsugod ug butang sa mga gwardya didto sa mga dagkong tunghaan diin sagad mahitabo ang mga school related violence ug ilahang gihangyo usab ang mga gagmayng tunghaan nga makig-alayon sa mga barangay aron magpatrolya ang mga barangay tanod sa ilang palibot.
Dugang niini, ila pud paningkamutan nga mahatagan sa mga metal detectors ang tanang mga tunghaan sa nasud para malikayan nga makasulod ug madala ang mga hinagiban sulod sa mga tunghaan. (raniel mahunyag)
