Suportado sa Simbahang Katolika ang katukuran sa EJK Truth Commission.
Ang komisyon gitukod sa naghi-usang mga sibilyan aron mudokumento sa extrajudicial killings (EJK) nga nahitabo sa pagpatuman sa “war on drugs” sa administrasyon ni kanhi Presidente Rodrigo Duterte.
Ang komisyon, siento-porsiento nga gi-ubanan ni Cardinal Pablo Virgilio “Ambo” David, ug siya ang napili isip usa sa mga adviser sa komisyon aron masiguro nga ang komisyon, naka-angkla sa moral, independente, ug matinud-anon sa pagdala sa katungod ug pagtabang sa mga pamilya sa biktima.
Ang EJK Truth Commission gitubok niadtong Mayo 27, 2026 sa Mandaluyong City, uban sa mga eksperto sama ni Judge Raul Pangalangan (kanhi ICC judge), forensic pathologist Dr. Raquel Fortun, psychosocial expert Dr. Al Fuertes, ug human rights advocate Carlos Conde. Ang tumong niini mao ang pag-establisar sa kridibli nga public record sa mga EJK cases ug human rights abuses, dili aron ilisan ang korte, apan aron hatagan sa tingog ang mga biktima ug ilang pamilya.
Daku ang papel ni Cardinal David sa paglambigit sa komisyin kay siya nagrepresentar sa tibook simbahang katolika, ug muhatag giya sa moral nga paagi sa paghagpat sa mga impormasyon.
Gipakasama ni Cardinal ang natukod nga komisyon isip “catharsis” o oportunidad sa pag-ayo sa nasud pinaagi sa pag-ila sa kamatuoran ug paghatag sa dignidad sa mga biktima.
