Mas lig-on nga relasyon sa ekonomiya, depensa ug seguridad, ug ang pagpalapad sa people-to-people exchanges tali sa Pilipinas ug Canada ang nag-unang hisgutanan sa bilateral talks sa delegasyon nga dala ni Presidente Ferdinand Marcos Jr kuyog ang kabinite ni Canadian Prime Minister Mark Carney.
Lakip sa tuyo ni Marcos ang pagtapos sa negosasyon sa Philippines-Canada Free Trade Agreement karong tuiga.
Iyang gipamugos ang kahinungdanon sa lig-on nga supply chains, diversified resources, ug mas maayong konektibidad.
Gipakita usab niya ang interes sa pakigbahin sa Canada sa Luzon Economic Corridor, lakip ang posibleng pamuhunan sa artificial intelligence ug advanced manufacturing.
Napakigsabot ang duha ka lider sa maritime security, cybersecurity, enerhiya, ug labor cooperation.
Segun ni Marcos ug Caarney, importante ang kusog nga panag-uban sa mga katawhan sa duha ka nasud aron mas mapalig-on ang relasyon ug kooperasyon.
