Gisalikway sa Rusya ang pasangil sa Britanya human miingon si British Defense Secretary John Healey nga adunay kalihokan sa submarino sa Moscow sa North Atlantic.
Si Healey miingon nga ang Britanya ug Norway nagdumala sa usa ka bulan nga operasyon aron subayon ang mga submarino sa Rusya duol sa mga kritikal nga undersea cables ug pipelines.
Gisupak kini sa embahada kay imposible nga tuohan o mapamatud-an ang giingon ni Healey kay ang ilang nasud, nakigbatok sa “agresyon” gamit lang usa ka barko ug usa ka eroplano sa neutral nga katubigan.
Dugang pa niini, namugos usab ang embahada nga ang London bag-o lang nagpagawas sa hilabihan ka agresibo nga mga pamahayag ug hulga batok sa mga barko nga nag-operar alang sa mga kompanya sa Rusya ug mga kauban niini.
Nagpasidaan ang Moscow Government nga kung matinuod ang hulga, magresulta kini sa pait nga sangputanan kay mipasabot na daan ang embahada nga ang Rusya wala maghulga sa kritikal nga undersea infrastructure sa Britanya ug nagpasangil nga ang sabotahe sa Nord Stream pipelines mao ang responsibilidad sa mga nasud sa Kasadpan.
