CAGAYAN DE ORO CITY – Naka-aktibo na ang emergency apps aron magamit sa tanang foreign workers nga naglakip sa mga Pinoy nga nagtrabaho sa South Korea.
Kini aron magamit sa dinalian nga pagbakwit ug makauli sa Pilipinas kon mograbe ang bangi sa politika sa maong nasud.
Gihimo ni Bombo News International Correspondent Jia Etulle ang pagsaysay nunot sa gisugdan na’g tuki nga impeachment case batok kang South Korean Pres. Yoon Suk Yeol.
Siya miingon nga prioridad nga tabanga’g pagbakwit sa South Korean govt ang mismong mga Pinoy nga dul-an 60-mil kon adunay political tension tali kang Yeol ug mayoriya sa opposition political lawmakers nga nagkontrol sa parliamento.
Dumduman nga nag-deklara sa martial law ang presidentee apan napugos pagbawi kay gisupak sa 190 ka parliament members sa miaging gabii.
