Nagpahimangno si Atty. Franklin Quijano, kanhi Iligan City Mayor, nga bisan paman sa mga inisyatibo ug paningkamot sa mga institusyon sama sa mga tunghaan ug pribadong grupo sa pagpananom og bag-ong kahoy sa mga nanga-upaw nga kalasangan, dili gihapon tinood nga mabati sa katawhan ang epekto niini kung magpadayon ang pag-upaw sa kinaiyahan sa nasud.
Miingon si Quijano nga kulang gihapon ang effort sa pipila ka grupo nga naningkamot nga mapasiuli ang kinaiyahan kung dili magpakabana ang tanan ug mutabang sa pagpanalipod niini.
Nanawagan siya sa tanang katawhan sa nasud nga magkahiusa ug magtinabangay sa pagpasiuli sa kalasangan ug kinaiyahan, nga gilangkoban sa milyon-milyong ektarya nga naghinay-hinay nagkadaot. (James Oliver)
